رواية المغتربة العائدة (كاملة جميع الفصول) بقلم نشوي عادل
#المغتربة_العائدة البارت الاول
-اتفضلى ادخلى يا نجلاء خدى راحتك دى من النهاردة مملكتك ثوانى بس هنده للولاد عشان اعرفهم عليكى
دخلت نجلاء وجلست ع اريكة واخذت تتفحص بعيناها منزلها الجديد فهى الزوجة الثانية لمنير الشناوى التى توفت زوجته منذ ثلاث اعوام تاركة له ولدين وهما ادم وعمره 13 عام ومالك وعمره 5 اعوام ... جاء منير ومعه الولدين
منير: دول ولادى اللى كلمتك عنهم ودى بقى يا حلويين ماما نجلاء هتكون زى ماما بالظبط
ادم بغضب: مفيش واحدة فى الدنيا هتعرف تكون زى ماما او تقدر تاخد مكانها يا بابا
منير وهو مجحظ العينين: ادم ازاى تقول كده من امتى وانت بتتكلم مع حد اكبر منك بالشكل ده اتفضل اعتذر!
ادم: انا اسف يا بابا مش هعتذر لانى مقولتش حاجة غلط ومقولتش الا الحقيقة اللى حضرتك ربتنى عليها!
منير: فيه فرق كبير بين الصراحه وقلة الذوق وانا هعلمك الادب من اول وجديد
وهنا تدخلت نجلاء مبعدة منير عن ادم واخذته الى جانب وقالت: انت بتعمل ايه انت عاوز الولد يكرهنى وبعدين هو عنده حق لا انا ولا غيرى هيقدر ياخد مكان مامته مهما عملت ليه من فضلك ارجوك سيبنى انا اتعامل معاهم ومش تتدخل بينا
تركته نجلاء واتجهت لادم ووضعت يدها ع كتفيه وابتسمت ببشاشة قائلة: انت ولد شجاع اوى يا ادم وبرافو عليك لان مفيش اى ست تقدر تاخد مكان ماما بقلبك بس انت ممكن تعتبرنى صديقتك ايه رأيك
نظر لها ادم بشك فهو دائما يسمع ان زوجة الاب تعامل ابناء زوجها بقسوة فخاف كثيرا ع حياته هو واخيه القادمة فهمهم قائلا: ان شاء الله
نظرت نجلاء الى مالك الصغير وهو يأكل حلوى لولى فابتسمت وقالت: الملاك الصغنن
مالك ببراءة: انى اسمى مالك مش الملاك الصغنن يا مامتى
ابتسمت نجلاء وكاد قلبها يذوب من كلمته الاخيرة فدمعت عيناها واحتضنته بشدة وللحظة ما لم يدرك ادم اهى حقا حنونة ام تدعى الحنية وترك الايام تثبت الحقيقة
نجلاء: دى احلى مامى سمعتها فى حياتى والله
منير: طيب يالا يا ادم خد اخوك وادخلوا ناموا يالا الوقت متأخر
مالك: مش هتحكيلى حدوتة يا بابا
نجلاء مقاطعة: ايه رايك لو حكيتها انا؟
مالك: بتعرفى!
نجلاء: اممممم نجرب ... ثم حملته وقالت: بس الاول نغسل وشنا وايدنا وسنانا اوك
مالك: اوك
اخذته وغسلت له ثم دلفت به الى غرفته هو وادم وجلست الى جانبه تحكى له قصة الجميلة والوحش فراح مالك فى ثبات حتى ادم نام ع صوتها الحنون فقامت بتغطيتهما ثم ذهبت لغرفتها مع منير وما ان نظرت اليه فبكت بشدة
منير: مالك يا حبيبتى ليه العياط ده كله حد من الولاد عمل حاجة ضايقتك؟!
نجلاء منكرة: لا ابدا انت متعرفش انا حبيتهم اد ايه بس!
منير باستغراب: بس ايه؟!
نجلاء: كاتاليا وحشتنى اوى اوى يا منير نبرة صوت مالك وهو بيقولى يا مامى فكرتنى بيها وقلبى وجعنى اوى
ضمها منير اليه بقوة ثم ابعدها برفق بعد فترة ومسح لها دموعها قائلا: ان شاء الله ربنا هيجمع الشمل من تانى وبعدين انتى ناسية ان النهاردة يوم جوازنا فيه عروسة تبكى كده والله عيب 😂
ابتسمت نجلاء فاقترب منها منير و.................
#يتبع
#بقلم_نشوه_عادل
